12.10.2026 | 17:51
Էմմա Պալյանը հայտնել է Ալեն Սիմոնյանի օգնականը դառնալու մասին
Տիգրան Եսայանն ազատվեց ոստիկանապետի տեղակալի պաշտոնից․ նախագահը ստորագրել է հրամանագիրը
Քաղաքականություն
10.08.2020 | 13:16
Նախագահ Արմեն Սարգսյանը Տիգրան Եսայանին ոստիկանապետի տեղակալի պաշտոնից ազատելու մասին հրամանագիր է ստորագրել։
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ոստիկանությունում ծառայության մասին» օրենքի 13-րդ հոդվածի 3-րդ մասի և 45-րդ հոդվածի 1-ին մասի 2-րդ կետի.
Տիգրան ԵՍԱՅԱՆԻՆ ազատել Հայաստանի Հանրապետության ոստիկանության պետի տեղակալի պաշտոնից և Հայաստանի Հանրապետության ոստիկանությունում ծառայությունից»,- ասված է հրամանագրում։
Ավելի վաղ Factor.am-ի հետ զրույցում Տիգրան Եսայանը հաստատել էր պաշտոնից ազատվելու դիմում գրելու մասին շրջանառվող լուրերը, սակայն պատճառների մասին չէր ցանկացել խոսել։ «Որոշել եմ՝ գրել եմ, մի նեղացեք ինձանից։ Այլ աշխատանքի հրավեր չեմ ստացել, 41 տարի ծառայել եմ այս համակարգում, ուզում եմ մի քիչ հանգստանալ»,- նշել էր Եսայանը։
