08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դավիթ Սանասարյանի գործով շարունակվում է ապացույցների հետազոտման փուլը
Հասարակություն
10.08.2020 | 11:51
Երևանի ընդհանուր իրավասության դատարանի Շենգավիթի նստավայրում, դատավոր Դավիթ Բալայանի նախագահությամբ, ընթանում է ՊՎԾ լիազորությունները կասեցված պետ Դավիթ Սանասարյանի գործով դատական նիստը: Այսօրվա նիստին ներկա չէր ամբաստանյալներից Գևորգ Խաչատրյանի պաշտպանը, նա, սակայն, ասաց, որ դեմ չէ, որպեսզի իր պաշտպանի բացակայությամբ նիստը ընթանա:
Դատավարության մյուս մասնակիցները ևս կողմ էին նիստի կայանալուն, բացի մեղադրող դատախազից: Նա ասաց, որ նիստի շարունակվելուն դեմ է ոչ միայն ինքը, այլ քրդատը, որը սահմանում է, որ պաշտպանի չներկայանալու դեպքում նիստը ենթակա է հետաձգման:
Ինչևէ դատավորը գտավ, որ փուլում նիստը շարունակելը չի հանգեցնի աշբաստանյալի իրավունքների խախտման և հետևաբար շարունակվեց գործում առկա ապացույցների հետազոտումը: Դատարանը զուգահեռ նաև տեղեկացրեց, որ արձակուրդ է գնում և այս գործով հաջորդ նիստը կկայանա սեպտեմբերի տասնչորսին: Այս պահին ուսումնասիրվում են գործում առկա գրավոր ապացույցները:
