27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
«Ուրարտուն» պայմանագիր է ստորագրել նիգերացի կիսապաշտպան Ուգուչուկվու Իվուի հետ
08.08.2020 | 20:12
«Ուրարտուն» պայմանագիր է ստորագրել նիգերացի 20-ամյա կիսապաշտպան Ուգուչուկվու Իվուի հետ, հաղորդում է ֆուտբոլային ակումբի մամուլի ծառայությունը։
Այս ֆուտբոլիստը քաջ ծանոթ է հայ ֆուտբոլասերներին։ 2018/19 մրցաշրջանն Իվուն անցկացրել է Վանաձորի «Լոռի»-ում, այնուհետև վարձակալական հիմունքներով տեղափոխվել է «Փյունիկ»։ Երևանյան ակումբի կազմում մասնակցել է 15 հանդիպման։ Վարձակալական ժամկետի ավարտից հետո վերադարձել է «Լոռի» և անցկացնելով 7 հանդիպում դարձել է 2 գոլի հեղինակ։
«Շատ ուրախ եմ, որ խաղալու եմ այս ակումբում։ Շատ ջերմ ընդունելության եմ արժանացել ինչպես թիմակիցներիս, այնպես էլ մարզչական շտաբի կողմից։ Մի քանի մարզում անցկացնելով հասկացել եմ, որ շատ ուժեղ թիմ եմ տեղափոխվել, որը կարող է առաջադրված խնդիրները կյանքի կոչել։ Նախկինում բազմիցս խաղացել եմ «Ուրարտուի» հետ ու պետք է ասեմ, որ երբեք էլ հեշտ չի եղել։ Հուսով եմ, որ ներկայիս թիմն ավելի մրցունակ կլինի ու շատ հաջողություններ կգրանցի»,- ասել է Ուգուչուկվու Իվուն։
