08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Ոստիկանությունը Լևոն Սարգսյանին Հայաստան տեղափոխելու կադրերն է հրապարակել․ նա ներկայացվել է ԱԱԾ քննչական դեպարտամենտ
Հասարակություն
07.08.2020 | 15:17
Ոստիկանությունը հետախուզման մեջ գտնվող ԱԺ նախկին պատգամավոր Լևոն Սարգսյանին Հայաստան տեղափոխելու կադրերն է հրապարակել։
Գերատեսչության տարածած հաղորդագրությունում էլ նշվում է, որ 52-ամյա Լևոն Սարգսյանը օգոստոսի 6-ին Քրեական ոստիկանության գլխավոր վարչության ծառայողների ուղեկցությամբ Հայաստան է տեղափոխվել Մոսկվա-Երևան չվերթով։
Նա 2018 թվականի հոկտեմբերի 1-ից ՀՀ իրավապահների կողմից հետախուզվում էր հանցավոր համագործակցություն ստեղծելու կամ հանցավոր համագործակցությանը մասնակցելու և կազմակերպված խմբի կողմից առանձնապես խոշոր չափերով գույք հափշտակելու նպատակով ավազակության մեղադրանքով, խափանման միջոցը՝ կալանք:
Հիշեցնենք, որ Քրեական ոստիկանության գլխավոր վարչության, Ռուսաստանում Հայաստանի ոստիկանության ներկայացուցչության և ՌԴ ՆԳՆ համապատասխան ստորաբաժանումների համատեղ իրականացրած լայնածավալ օպերատիվ-որոնողական աշխատանքների արդյունքում Լևոն Սարգսյանը 2019 թվականի նոյեմբերի 21-ին Մոսկվայի մարզի Զելենոգրադ քաղաքում հայտնաբերվել և ձերբակալվել էր։ ՌԴ գլխավոր դատախազությունը բավարարել էր ՀՀ գլխավոր դատախազության միջնորդությունը նրան Հայաստան արտահանձնելու վերաբերյալ։
Լևոն Սարգսյանը ներկայացվել է ԱԱԾ քննչական դեպարտամենտ։
