01.07.2026 | 11:41
Մեկ օրում բացահայտվել է 74 հանցագործություն
Հետախուզման մեջ գտնվող Լևոն Սարգսյանը տեղափոխվել է Հայաստան
Հասարակություն
07.08.2020 | 10:10
Հետախուզման մեջ գտնվող Լևոն Սարգսյանը (հայտնի «Ալրաղացի Լյովիկ» մականունով) տեղափոխվել է Հայաստան։ Այս մասին հայտնել է ՀՀ գխավոր դատախազի խորհրական Գոռ Աբրահամյանը։
«Հայաստանի Հանրապետության գլխավոր դատախազության և Ռուսաստանի Դաշնության գլխավոր դատախազության համագործակցության արդյունքում և ՀՀ արտաքին գործերի նախարարության օժանդակությամբ ՀՀ ոստիկանության օպերատիվ աշխատակիցների խումբը 06.08.2020թ. ՀՀ է տեղափոխել ՀՀ իրավասու մարմինների կողմից հետախուզվող Լևոն Հրաչյայի Սարգսյանին:
Լևոն Սարգսյանին ՀՀ իրավասու մրամիններին հանձնելու մասին ՀՀ գլխավոր դատախազության միջնորդությունը ՌԴ գլխավոր դատախազության կողմից բավարարվել էր սույն թվականի մարտ ամսին և համապատասխան մարմիններին հանձնարարվել էր ապահովել վերջինիս տեղափոխումը հանձնելու մասին որոշումն օրինական ուժի մեջ մտնելուց հետո»,- տեղեկացրել է Աբրահամյանը:
Հիշեցնենք, որ Լևոն Սարգսյանը հետախուզման մեջ է 2018 թվականից՝ 10 տարի առաջ Մաքսային ծառայության ղեկավար Արմեն Ավետիսյանի տան վրա կատարված հարձակման գործի շրջանակներում:
