17.09.2026 | 20:00
Սպառնալիք կա Ալիևի մտածողության մեջ․ ագրեսիայի շանս կստանա, եթե ՀՀ-ն ուշ է խոսում վտանգներից․ Մեսրոպ Առաքելյան․ ՏԵՍԱՆՅՈՒԹ
Նորակոչիկների երդման արարողություններին հրավերներ և տեսակցություններ չեն լինելու․ ՊՆ հայտարարությունը
Քաղաքականություն
05.08.2020 | 17:17
ՀՀ Պաշտպանության նախարարությունը հայտարարություն է տարածել՝ տեղեկացնելով կորոնավիրուսի համաճարակի պայմաններում նորակոչիկների զինվորական երդման արարողությունների ժամանակ հրավերների սահմանափակումների մասին։
«Նոր կորոնավիրուսային վարակով պայմանավորված՝ ՀՀ զինված ուժերում, զինծառայողների առողջական վիճակի և հնարավոր բարդություններից խուսափելու համար, շարունակում են իրականացվել կանխարգելիչ և հակահամաճարակային միջոցառումներ:
Նպատակ ունենալով կանխել վարակի ներթափանցումը ՀՀ զինված ուժեր՝ զինծառայողների ծնողներին տեղեկացնում ենք, որ նորակոչիկների զինվորական երդման արարողություններն իրականացվելու են միայն զորամասերի մշտական տեղակայման վայրերում, բացառվելու են բոլոր տեսակի հրավերները, տեսակցություններն ու ընդունելությունները։
ՀՀ պաշտպանության նախարարությունը խնդրում է ըմբռնումով մոտենալ ժամանակավոր սահմանափակումներին, որոնք կիրառվում են զինծառայողների առողջության պահպանման և զինված ուժերի բնականոն կենսագործունեության պատշաճ իրականացման նպատակով»,- ասվում է հայտարարությունում:
