08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հզոր պայթյուն Բեյրութում՝ Լիբանանի նախկին վարչապետի սպանության գործով դատավճռի նախօրեին
Քաղաքականություն
04.08.2020 | 21:14
Լիբանանի մայրաքաղաք Բեյրութում նախկին վարչապետ Ռաֆիկ Հարիրիի՝ 2005 թվականի սպանության գործով դատավճռի հրապարակմանա նախօրեին հզոր պայթյուն է տեղի ունեցել: Իշխանությունները մտահոգված են, որ պայթյունի հետևանքով բազմաթիվ զոհեր կան։ Տեղի ունեցածի պատճառը դեռ պարզ չէ: Այս մասին հայտնում է BBC-ն։
Պայթյունը տեղի է ունեցել քաղաքի նավահանգստի տարածքում։ Հաղորդվում է նաև երկրորդ հնարավոր պայթյունի մասին, որը, ըստ ամենայնի, տեղի է ունեցել նախկին վարչապետ Հարիրիի նստավայրում։
Համացանցում հրապարակված տեսանյութում երևում է, թե պայթյունի հետևանքով ինչպես է սնկի տեսք ունեցող մեծ ամպ գոյանում։
BBC-ի փոխանցմամբ՝ ՄԱԿ-ի դատարանը շուտով պետք է վճիռ կայացնի Լիբանանի նախկին վարչապետ Հարիրիի սպանության մեջ կասկածվողների վերաբերյալ: 4 կասկածյալն էլ անդամակցում են Իրանի կողմից աջակցություն ունեցող շիաների «Հըզբալլահ» շարժմանը, որը հետևողականորեն հերքում է ցանկացած դերակատարում Հարիրիի մահվան գործում:
Աղբյուրի փոխանցմամբ՝ դատավճիռը հրապարակվելու է ուրբաթ՝ օգոստոսի 7-ին։
Նելլի Մելքոնյան
