09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԱԱԾ-ն ուսումնասիրում է ադրբեջանցի հաքերների հնարավոր հարձակման հետևանքով տեղեկությունների արտահոսքի հավանականությունը
Հասարակություն
04.08.2020 | 15:28
Տեղեկատվական անվտանգության փորձագետ Սամվել Մարտիրոսյանն այսօր ֆեյսբուքյան գրառմամբ տեղեկացրել էր, թե ադրբեջանական հաքերները հայտնում են Հայաստանի կառավարական ներքին ցանց ներթափանցելու և 55 տերաբայթ տեղեկություն տանելու մասին։
Խնդրի առնչությամբ Factor.am-ը փորձեց մեկնաբանություն ստանալ ՀՀ Ազգային անվտանգության ծառայությունից։ ԱԱԾ մամուլի կենտրոնից մեզ հայտնեցին, որ նյութերն ուսումանասիրության փուլում են։
«Այժմ ուսումնասիրում ենք՝ արդյո՞ք արտահոսքի մասին տեղեկությունն իրականությանը համապատասխանում է, թե ոչ։ Արդյունքների մասին պաշտոնական հայտարարությամբ կտեղեկացնենք»,- ասաց ԱԱԾ մամուլի կենտրոնի ղեկավար Արթուր Գևորգյանը։
Նելլի Մելքոնյան
