08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
Արայիկ Հարությունյանը չի հանդիպելու դիմորդների հետ․ սխալ տեղեկություն է տարածվել․ ԿԳՄՍՆ
Հասարակություն
03.08.2020 | 19:26
ԿԳՄՍ նախարար Արայիկ Հարությունյանը չի հանդիպելու բուհ չընդունված դիմորդների հետ։ Factor.am-ին այս մասին հայտնեցին ԿԳՄՍ նախարարության մամուլի ծառայությունից։
«Տարածված տեղեկությունն իրականությանը չի համապատասխանում, Արայիկ Հարությունյանի և դիմորդների հանդիպում չի նախատեսվում»,- հավելեցին մեզ հետ զրույցում։
Հիշեցնենք՝ ժամեր առաջ դիմորդներից Հայկ Բաբալյանը ֆեյսբուքյան գրառմամբ հայտնել էր, թե ԿԳՄՍ նախարար Արայիկ Հարությունյանը համաձայնել է հանդիպել միասնական ընդունելության քննություններում բարձր միավորներ հավաքած, սակայն իրենց ցանկալի մասնագիտությամբ բուհ չընդունված դիմորդների հետ։
«Մեր պայքարի սկզբից հանդիպում ենք պահանջում Արայիկ Հարությունյանի հետ։ Օրեր շարունակ մեր պահանջն անտեսվում և մերժվում էր։ Սակայն վերջապես պարոն Հարությունյանը պատրաստակամություն հայտնեց հանդիպելու։ Հանդիպումը տեղի կունենա վաղը՝ օգոստոսի 4-ին, ժամը 14։00-ին։
Հանդիպման ֆորմատը հաստատվել է Արայիկ Հարությունյանի կողմից. հանդիպելու ենք նախարարությունից դուրս, ոչ ֆորմալ միջավայրում։ Հանդիպմանը ներկա են լինելու բացառապես պահանջատեր դիմորդ շարժման մասնակիցները և Արայիկ Հարությունյանը։ Արդյունքների և հետագա անելիքների մասին կտեղեկացնենք հանդիպումից հետո»,- գրել էր Բաբալյանը։
Նելլի Մելքոնյան
