15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Հայտնի է ՍԴ դատավորի նոր թեկնածուի անունը
Քաղաքականություն
01.08.2020 | 10:44
Հուլիսի 31-ին տեղի ունեցած Դատավորների ընդհանուր ժողովում Սահմանադրական դատարանի դատավորի թեկնածու է ընտրվել Վճռաբեկ դատարանի նախագահ Երվանդ Խունդկարյանը: Տեղեկությունը Factor.am-ի հետ զրույցում հաստատեց Դատական դեպարտամենտի մամուլի և հասարակայնության հետ կապերի ծառայության պետ Արման Խաչատրյանը:
Ավելի վաղ ՍԴ դատավորի թեկնածու էր առաջադրվել նաև Տավուշի մարզի առաջին ատյանի ընդհանուր իրավասության դատարանի նախագահ Արման Կուրեխյանը, որն ավելի քիչ ձայն է հավաքել:
Հիշեցնենք՝ ՍԴ դատավորի երեք թափուր տեղ կա: Հայաստանում վերջերս ընդունված սահմանադրական փոփոխություններով դադարեցվել են ՍԴ դատավորներ Ալվինա Գյուլումյանի, Ֆելիքս Թոխյանի և Հրանտ Նազարյանի լիազորությունները։
Կառավարությունն արդեն առաջադրել է իր թեկնածուին՝ իրավաբանական գիտությունների դոկտոր, պրոֆեսոր Վահրամ Ավետիսյանին։ Մյուս երկու տեղերի համար առաջադրման իրավունքը նախագահինն ու Դատավորների ընդհանուր ժողովինն է։
Նելլի Մելքոնյան
