18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հավաքների սահմանափակումների հիմնավորումները չեն կարող նույնը լինել, ինչ սկզբնական շրջանում․ ՄԻՊ․ ՏԵՍԱՆՅՈՒԹ
Քաղաքականություն
31.07.2020 | 13:41
ՀՀ մարդու իրավունքների պաշտպան Արման Թաթոյանն այսօր հավաքների ազատության սահմանափակման վերաբերյալ քննարկման ժամանակ ներկայացրեց, թե ինչ է ցույց տալիս իրենց մոնիթորինգը բացարձակ արգելքի պայմաններում։
Ըստ այդմ՝ Ոստիկանությունը միշտ հեռացնում է մարդկանց հավաքի վայրերից, թեև վերջերս եղել են դեպքեր, երբ Ոստիկանությունը «հանդուրժող էր մարդկանց հավաքների նկատմամբ»։ Օրինակ՝ բուհ չընդունված դիմորդների բողոքների ակցիաների։ Իսկ գրասենյակի աշխատակիցների այցերը ոստիկանական բաժանմունքներ ցույց են տալիս, որ բոլոր դեպքերում բերման ենթարկելը ձևակերպվում է որպես ոստիկանի օրինական պահանջի չկատարում։
«Կարող եմ նշել, որ Ոստիկանությունը, ըստ էության, այս կարգավորումների, նաև այսօր առկա մի շարք խնդիրների պատճառով դրանց իրավական զոհն է դարձել, որովհետև Ոստիկանությունն էլ է դժվար վիճակում հայտնվել»,- ասաց Արման Թաթոյանը։
Մանրամասները՝ տեսանյութում։
