25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Ռոբերտ Քոչարյանի և Սերժ Սարգսյանի հետ հանդիպումները չեմ բացառում. Արթուր Վանեցյան․ ՏԵՍԱՆՅՈՒԹ
Քաղաքականություն
31.07.2020 | 10:57
Չեմ բացառում, որ առաջիկայում հանդիպում լինի և՛ Ռոբերտ Քոչարյանի, և՛ Սերժ Սարգսյանի, և՛ Լևոն Տեր-Պետրոսյանի հետ։ Լրագրողների հետ զրույցում ասաց «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը:
«Քաղաքական գործընթացները ենթադրում են հանդիպումներ բոլոր քաղաքական ուժերի հետ», – ասաց նա:
Factor.am-ի հարցին՝ խոսքն այն Սերժ Սարգսյանի և Ռոբերտ Քոչարյանի մասին է, որոնց ինքը ԱԱԾ տնօրենի պաշտոնում մեղադրում էր կոռուպցիայի և թալանի մե՞ջ, Արթուր Վանեցյանն արձագանքեց, որ այդ մասին խոսելը տեղին չէ։
Հարցին՝ կկարողանա՞ ժողովուրդը համախմբվել ընդդիմության շուրջ և փողոցներ փակելով՝ երկրորդ անգամ իշխանություն փոխել, ինչպես վերջին հարցազրույցում համոզմունք է հայտնել Ռոբերտ Քոչարյանը, Արթուր Վանեցյանը պատասխանեց. «Միանշանակ: Ես համոզված եմ, որ առաջիկայում լինելու են շատ ակտիվ քաղաքական գործընթացներ, լինելու են շատ ակտիվ քաղաքական պրոցեսներ, որոնց ընթացքում մենք կտեսնենք զարգացումներ: Իրականում երկիրը շատ բարդ իրավիճակում է, ծանրագույն վիճակում: Իշխանությունները ձախողել են բոլոր ուղղություններով կատարած իրենց աշխատանքները: Մենք կանգնած ենք առողջապահական, տնտեսական ճգնաժամի առջև: Գործ անելու փոխարեն՝ իշխանությունը զբաղված է քաղաքական ընդդիմախոսներին լռեցնելով»։
Մանրամասները՝ տեսանյութում։
