10.08.2026 | 14:48
ՌԴ Գերագույն դատարանը քննում է «Յաբլոկո»-ի մասնակցությունը Պետդումայի ընտրությունների թույլ չտալու մասին հայցը
Արթուր Վանեցյանին կանչել են ԱԱԾ
Հասարակություն
30.07.2020 | 19:01
«Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանին հրավիրել են Ազգային անվտանգության ծառայություն՝ բացատրություն տալու: Վանեցյանն ԱԱԾ է ներկայանալու վաղը: Այս մասին Factor.am-ի հարցին ի պատասխան՝ ասաց նրա պաշտպան Լուսինե Սահակյանը:
«Ժողովուրդը» գրել էր, որ Վանեցյանի նկատմամբ քրեական գործ են հարուցել, որի շրջանակում էլ նա վաղը հրավիրվում է ԱԱԾ՝ հարցաքննության: Պաշտպանը, սակայն, ասաց, որ Արթուր Վանեցյանին հրավիրել են բացատրության:
Լուսինե Սահակյանը հերքեց նաև տեղեկությունը, թե Վանեցյանի պաշտոնավարման ընթացքում յուրացումներ են եղել:
Թե ի՞նչ գործի շրջանակում են Արթուր Վանեցյանին ԱԱԾ հրավիրել, պաշտպանը մանրանամասներ չհաղորդեց: Մեր հարցին ի պատասխան միայն ասաց, որ գործը կապ չունի ՀՔԾ-ում քննվող մեկ այլ քրգործի հետ:
ԱԱԾ-ից էլ հայտնեցին, որ որևէ քրեական գործ չկա հարուցված, Արթուր Վանեցյանը հրավիրվել է միայն բացատրություն տալու։ Կառույցից, սակայն, նույնպես չասացին, թե ինչ գործի մասին է խոսքը։
Հիշեցնենք՝ Սերժ Սարգսյանի փեսա Միքայել Մինասյանը հայտարարել էր, թե Արթուր Վանեցյանը Նիկոլ Փաշինյանի անունից իրենից գումար է պահանջել:
Նարեկ Կիրակոսյան
