01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Դատավորը ճանաչել է բանակում խաղաղ պայմաններում մահացած Արթուր Ղազարյանի մոր՝ Իրինա Ղազարյանի իրավունքների խախտման փաստը
Հասարակություն
30.07.2020 | 14:35
Երևան քաղաքի առաջին ատյանի ընդհանուր իրավասության դատարանի դատավոր Հարություն Մանուկյանն աննախադեպ որոշում է կայացրել՝ ճանաչել է բանակում խաղաղ պայմաններում մահացած զինծառայող Արթուր Ղազարյանի մոր՝ Իրինա Ղազարյանի իրավունքների խախտման փաստը։
Դատարանը պարտավորեցրել է վարույթն իրակացնող մարմնին տրամադրել գործի նյութերը։
«Սա շրջադարձային որոշում է։ Իրինա Ղազարյանն ամբողջությամբ ստացել է գործի նյութերը և հիմա կարող է արդյունավետ կերպով իրացնել իր իրավունքները։ Հիմա մենք ավելի արդյունավետ ենք աշխատում, քանի որ նախկինում որոշ հանգամանքների վարույթ իրականացնող մարմինն ուշադրություն չէր դարձնում, իսկ հիմա մենք կարող ենք դա պարտադրել»,- Factor.am-ի հետ զրույցում ասաց տուժողի ներկայացուցիչ, փաստաբան Արայիկ Պապիկյանը։
Ըստ գործի նյութերի՝ 2010 թ. դեկտեմբերի 17-ի գիշերը ժամը 4:30-ի սահմաններում ծանր և անգիտակից վիճակում զինծառայող Արթուր Ղազարյանին տեղափոխել են Հադրութի բժշկական կենտրոն, այնուհետև ուղղաթիռով Երևան, իսկ ժամը 19:00-ի սահմաններում վիրահատել Կենտրոնական կլինիկական հոսպիտալում։ Դեկտեմբերի 21-ին ժամը 00:30-ին հոսպիտալում գրանցվել է նրա մահը։
Ըստ փորձագետի եզրակացության՝ Արթուր Ղազարյանի մոտ ախտորոշվել է գլխուղեղի խառը անոթային մալֆորմացիա։ Սակայն մահացածի մայր Իրինա Ղազարյանը բազմիցս պնդել է, որ չի հավատում այդ վարկածին։
Մերի Մարտիրոսյան
