15.03.2026 | 21:36
Իրանում ձերբակալել են ավելի քան 30 մարդու՝ Իսրայելին տեղեկատվություն փոխանցելու կասկածանքով
Առաջին ձեռք ապրանք ենք վաճառում, մեզ հանում են․ Կոմիտասի գյուղմթերքի շուկայի վաճառողները դժգոհ են. ՏԵՍԱՆՅՈՒԹ
Հասարակություն
30.07.2020 | 14:10
Այսօր Կառավարության մոտ էին հավաքվել Կոմիտասի գյուղմթերքի շուկայի վաճառողները։ Նրանք բողոքում են, որ իրենց զրկում են Կասյան փողոցի հարակից հատվածի շուկայում իրենց արտադրանքը վաճառելու հնարավորությունից, մինչդեռ 10 տարուց ավելի այդտեղ աշխատում են։
«Առաջին ձեռք ապրանք ենք վաճառում, մենք վերավաճառող չենք։ Իսկ հիմա մեզ հանում են շուկայից։ Ասում են՝ գնացեք, «Հրազդան» մարզադաշտի մոտ տարածք տանք, աշխատեք։ Բայց այնտեղ առևտուր չի լինի։ Գյուղացուն միայն բանկի տեղն են լավ կարողանում ցույց տալ»,- դժգոհեցին վաճառողները՝ հույս հայտնելով, որ Կառավարությունը հարցին լուծում կտա։
Ակցիայի մասնակիցների խոսքով՝ մոտ յոթ գյուղերի բնակիչներ են տարիներ շարունակ աշխատում այդ շուկայում։
Մանրամասները՝ տեսանյութում։
Մերի Մարտիրոսյան
