17.09.2026 | 15:48
Ուկրաինան և ՌԴ-ն զոհվածների մարմինների հերթական փոխանակումն են իրականացրել
Միքայել Մինասյանը չի կալանավորվի․ Վերաքննիչ դատարանը մերժել է դատախազությանը
Հասարակություն
29.07.2020 | 15:28
«ՀՀ վերաքննիչ քրեական դատարանը մերժեց Սուրբ Աթոռում ՀՀ նախկին դեսպան Միքայել Մինասյանի կալանավորումը մերժելու վերաբերյալ առաջին ատյանի դատարանի դատական ակտի դեմ բերված դատախազության բողոքը»,- այս մասին ֆեյսբուքյան իր էջում գրել է փաստաբան Միհրան Պողոսյանը։
Ըստ նրա՝ Մինասյանին կալանավորելու միջնորդությունը անհիմն է:
«Բազմաթիվ անգամ առիթ ենք ունեցել խոսելու, որ Միքայել Մինասյանին կալանավորելու վերաբերյալ թվով արդեն երկրորդ միջնորդությունն ապօրինի և անհիմն է, ինչն այսօր հաստատվեց վերաքննիչ քրեական դատարանի կողմից»,- գրել է փաստաբանը։
Հիշեցնենք, որ ՀՀ երրորդ նախագահ Սերժ Սարգսյանի հետախուզվող փեսային՝ Միքայել Մինասյանին մեղադրանք է առաջադրվել մի քանի հոդվածներով՝ ապօրինի հարստացման, հայտարարագրում կեղծ տվյալներ ներկայացնելու և հանցավոր ճանապարհով ստացված գույքը օրինականացնելու համար։ Մինասյանը մեղադրանքները չի ընդունում։
Լիլիթ Շաբոյան
