08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ցանկն այնպես է ստեղծված, որ աշակերտներն անպայման չկարդան․ Տիգրան Պասկևիչյան. ՏԵՍԱՆՅՈՒԹ
Հասարակություն
29.07.2020 | 11:51
Գրողներին պետք է ներկայացնել ոչ թե այնպես, որ անպայման չկարդան աշակերտները, այլ մատուցեն հետաքրքիր ձևով՝ խմբավորելով, նախագծերի վերածելով։ Այս մասին այսօր հրավիրված ասուլիսի ժամանակ ասաց գրող Տիգրան Պասկևիչյանը։
«Իսկ այս ցանկը ներկայացված է այնպես, որ աշակերտներն անպայման չկարդան։ Օրինակ՝ Ջոնաթան Սվիֆթի «Գուլիվերի ճանապարհորդությունը», դուք հավատում եք, որ էրեխեքը կարդալո՞ւ են։ 100 հատ մուլտ են տեսել, կինո են տեսել, բայց դա կարևորագույն մշակութային վերափոխումների շրջան է եղել աշխարհում, դրա մասին եկեք խոսենք, դա եկեք պատմենք, հետո այդ 36 աշակերտից 1-2-ը կգնան կկարդան։ Երբեք պատրանք չպետք է ունենանք, որ 36 աշակերտից 36-ը որևէ ռեֆորմի արդյունքում դառնալու է կարդացող։ Չի լինելու այդպիսի բան։ Այդ որ ասում են՝ առաջ մեր էրեխեքը կարդում էին, չի եղել նման բան, մի՛ հավատացեք։ Առաջ շատ գիրք էր տպվում, էժան գիրք էր տպվում, շատ գիրք էր առնվում և տներում շատ գիրք կար։ Բայց ես, օրինակ, հիշում եմ, որ իմ սերնդակիցների մի 70 տոկոսը գիրք չէր կարդում, և այսօր էլ է այդ նույն վիճակը լինելու, բայց աուդիովիզուալ, այլ ժամանակակից տեխնոլոգիաներով պարզապես պետք է հասու դարձնել ընդհանուր ինֆորմացիան»,- նշեց Պասկևիչյանը։
Մանրամասները՝ տեսանյութում։
