27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
«Արարատը» պայմանագրեր է կնքել Հրայր Մկոյանի և Քրիստիան Խիմենեսի հետ
28.07.2020 | 22:16
«Արարատը» պայմանագրեր է կնքել պաշտպաններ Հրայր Մկոյանի և Քրիստիան Խիմենեսի հետ, հայտնում է ֆուտբոլային ակումբի մամուլի ծառայությունը:
Խիմենեսը «Արարատի» կազմը համալրել է «Լոռիից», իսկ Մկոյանի վերջին ակումբը եղել է «Շիրակը»:
33-ամյա պաշտպանը Հայաստանում հանդես գալու ահռելի փորձ ունի: Նախկինում խաղացել է «Ուլիս», «Միկա» ակումբներում, պաշտպանել է «Ալաշկերտի», «Գանձասար-Կապանի», «Արարատ-Արմենիայի» գույները, ինչպես նաև հանդես է եկել «Արարատում»:
Մկոյանը հարուստ կարիերայի ընթացքում եղել է նաև «Էսթեղլալ», «Բուդեյովիցե», «Սպարտակ Նալչիկ» ակումբներում: Հայաստանի ազգային հավաքականում անցկացրել է ավելի քան 40 հանդիպում:
Քրիստիան Խիմենեսը մինչ «Լոռի» տեղափոխվելը հանդես է եկել իսպանական «Ալկալա» ակումբում:
