13.05.2025 | 15:00
Եղոյանը՝ Փաշինյանի կողմից ընդդիմադիրներին «համբալ» ասելու մասին // Ակցիա Վրաստանի դեսպանատան դիմաց․ ԼՈՒՐԵՐ
Մոսկվայում հայ-ադրբեջանական բախումների 30 մասնակիցներ են ձերբակալվել
Հասարակություն
25.07.2020 | 19:48
Երկու օրվա ընթացքում Մոսկվայի ոստիկանությունը ձերբակալել է ավելի քան 30 մարդու ՝ ազգամիջյան հողի վրա կռիվների համար, ՏԱՍՍ-ին հաղորդել են ՌԴ ՆԳՆ-ից։
«Հուլիսի 23-ից 24-ը ընկած ժամանակահատվածում Մոսկվայում գրանցվել են օտարերկրյա քաղաքացիների կողմից հասարակական կարգի խախտումների, գույքային վնասների և մարմնական վնաս պատճառելու դեպքեր: Ընդհանուր առմամբ, ավելի քան 30 մարդ բերվել է ոստիկանության տարածքային բաժիններ», – նշել են նախարարությունից:
Քրեական գործերը հարուցվել են ՌԴ ՔՕ 213 հոդվածի 2-րդ մասով նախատեսված հանցագործության հիմքով («Խուլիգանություն մի խումբ անձանց կողմից»): Նրանց կարող են 5 տարով արտաքսել Ռուաստանի դաշնությունից, հայտնում է Մոսկվայի ոստիկանությունը։
Հիշեցնենք, որ հուլիսի 24-ի գիշերը Մերիինոյի շրջանում տեղի են ունեցել մի շարք բախումներ հայերի և ադրբեջանցիների միջև, որոնցից մեկը վերածվել է զանգվածային ծեծկռտուքի: Ձերբակալվել է 25 մարդ: Նույն օրվա ընթացքում Մոսկվայի տարբեր հատվածներում տեղի են ունեցել մի շարք նոր բախումներ:
Նոր Մոսկվայի Սալարիևո քաղաքում մի խումբ ադրբեջանցիներ փայտե և մետաղական ձողերով ավերել են հայերին պատկանող շինանյութերի խանութը, ինչի ժամանակ մեկ մարդ վնասվածքներ է ստացել։ Մեկ այլ միջադեպի ընթացքում անհայտ անձինք կոտրել են Մոսկվայի արևմտյան մասում գտնվող սրճարաններից մեկի և ավտոլվացման կետի ապակիները , ինչի հետևանքով այցելուներից մեկը վիրավորվել է: Բացի այդ, 7 հայեր փայտե մահակներով ներխուժել են Բրատիսլավսկայա փողոցում գտնվող ադրբեջանական ռեստորան ու ջարդուխուրդ արել այն: Քաղաքի այլ հատվածնեերում ևս մի քանի բախումներ են տեղի ունեցել:
