Ըստ համացանցում տարածվող տեղեկությունների՝ Մոսկվայի ադրբեջանցիները նոր հարձակումներ են սկսել հայերի ու նրանց պատկանող օբյեկտների նկատմամբ։
Մասնավորապես, ռուսաստանցի հայտնի լրագրող, Մերձավոր Արևելքի հարցերով փորձագետ Աբաս Ջուման Տելեգրամի իր ալիքում տեսանյութ է հրապարակել, թե ինչպես են մի խումբ ադրբեջանցիներ հարձակվում «Հայկական տուն» խանութի վրա։
Կան տեղեկություններ, որ վնասվել է նաև խանութի տերը։ Տեղում աշխատում են իրավապահները։
Նշենք, որ սոցիալական ցանցերի ադրբեջանական տիրույթում գրառումներ են հայտնվում, որ այսօր ևս շարունակելու են հայերի վրա հարձակումները։
Էմմա Չոբանյան
