29.08.2026 | 19:14
Պեսկովն այս պահին Մոսկվայի ու Եվրոպայի միջև հարաբերությունները բարելավելու հիմքեր չի տեսնում
Զոհված զինծառայող Արթուր Մուրադյանի ընտանիքին 58 մլն դրամ հատուցում կտրամադրվի
Հասարակություն
23.07.2020 | 18:57
Հուլիսի 14-ին հայ-ադրբեջանական սահմանին ծանր վիրավորում ստացած և այսօր մահացած զինծառայող Արթուր Մուրադյանի ընտանիքին «Զինծառայողների ապահովագրության հիմնադրամը» 58 մլն դրամ հատուցում կտրամադրի, որի մի մասը՝ միանվագ։
«Ինչպես տեղեկացրեց Պաշտպանության նախարարությունը՝ հուլիսի 23-ին ՊՆ կենտրոնական կլինիկական զինվորական հոսպիտալում մահացել է հուլիսի 14-ին ծանր վիրավորում ստացած ժամկետային զինծառայող, շարքային Արթուր Բագրատի Մուրադյանը (ծնված 2001թ., Երևանի թիվ 1 ԶԿ):
«Զինծառայողների ապահովագրության» հիմնադրամն իր խորին ցավակցությունն ու զորակցությունն է հայտնում Արթուր Մուրադյանի ընտանիքի անդամներին, հարազատներին և ծառայակիցներին:
Ցանկանում ենք տեղեկացնել, որ Արթուր Մուրադյանի ընտանիքի անդամներին Հիմնադրամի կողմից կտրամադրվեն հատուցումներ առաջիկա 20 տարվա ընթացքում: Հատուցման չափը կկազմի 58 մլն ՀՀ դրամ, որից 10 մլն դրամը կտրամադրվի միանվագ, իսկ մնացածը՝ ամսական հավասար վճարներով»,- ասվում է Հիմնադրամի տարածած հաղորդագրությունում։
