27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Սահմանին տեղի ունեցած դեպքերից հետո Ադրբեջանում անկայուն վիճակ է ստեղծվել. Նիկոլ Փաշինյան. ՏԵՍԱՆՅՈՒԹ
Քաղաքականություն
23.07.2020 | 11:24
Կառավարության այսօրվա նիստում վարչապետ Նիկոլ Փաշինյանն անդրադարձավ վերջին օրերին հայ-ադրբեջանական սահմանին տեղի ունեցած դեպքերին:
«Հուլիսի 12-ին Ադրբեջանի կողմից հարձակում ձեռնարկվեց մեր դիքերի ուղղությամբ, ՀՀ զինված ուժերը ոչ միայն հետ մղեցին հակառակորդի հարձակումները, այլև նրանց պատճառեցին էական վնասներ: Ադրբեջանական կողմը կրել է բազմաթիվ կորուստներ, այդ թվում՝ սպառազինության ու ռազմական տեխնիկայի՝ ներառյալ գերժամանակակից տեխնիկայի, ինչը հայկական ռազմական ուժի, մտքի ու արդյունաբերական համալիրի ակնհայտ հաղթանակն է», – ասաց վարչապետը:
Նա նշեց, որ Ադրբեջանում ներքաղաքական անկայուն վիճակ է ստեղծվել, ինչը այդ երկրի ղեկավարությանը ստիպում է գնալ նորանոր սադրանքների:
«Ադրբեջանը հարձակվեց Հայաստանի ինքնիշխան տարածքի վրա, ու ևս մեկ անգամ պիտի ընդգծեմ, որ այն դիրքերը, որոնք դարձել են երկու շաբաթվա իրադարձությունների կիզակետ, գտնվում են ՀՀ ինքնիշխան տարածքում ու Հայաստանին ուղղված Ադրբեջանի մեղադրանքները՝ ագրեսիայի վերաբերյալ, պարզապես անհեթեթ է», – ասաց ՀՀ վարչապետը։
Մանրամասները՝ տեսանյութում։
