19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բաքվում ԱՄՆ դեսպանին ԱԳՆ են կանչել՝ Լոս Անջելեսում հայերի ցույցի առնչությամբ
Քաղաքականություն
22.07.2020 | 21:55
Լոս Անջելեսում Ադրբեջանի դեսպանատան դիմաց տեղի ունեցած ցույցից հետո Բաքվում ԱՄՆ դեսպանը կանչվել է երկրի ԱԳ նախարարություն։ Այս մասին հայտնում է «Ինտերֆաքս»-ի ադրբեջանական ծառայությունը։
Նշվում է, որ Ադրբեջանի հյուպատոսը կապ է հաստատել Լոս Անջելեսի ոստիկանության բաժանմունքի ղեկավարի հետ և դժգոհություն հայտնել, թեմայի շուրջ խոսել նաև Լոս Անջելեսի քաղաքապետի ու պաշտոնատար այլ անձանց հետ՝ պահանջելով համապատասխան միջոցներ ձեռնարկել։
Հիշեցնենք՝ Լոս Անջելեսի հայ համայնքը երեկ և այսօր ցույցի է դուրս եկել՝ ընդդեմ հայ-ադրբեջանական սահմանին Ադրբեջանի սադրանքի արդյունքում ծավալված ռազմական գործողությունների և Բաքվի սպառնալիքների: Ցույցի ընթացքում տարածքում նաև ադրբեջանցիներ են եղել։
Իրավիճակին անդրադարձել է Լոս Անջելեսի քաղաքապետ Էրիկ Գարեթսին՝ աջակցություն հայտնելով հայ համայնքին ու Հայաստանին:
Նելլի Մելքոնյան
