15.05.2025 | 23:31
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
ԶԼՄ-ները զանգում և առաջարկում են գումարի դիմաց մեկնաբանություն տալ, որ Հայաստանն է Ադրբեջանի դեմ կոնֆլիկտը սանձազերծել․ Միխայիլ Դելյագին
Քաղաքականություն
21.07.2020 | 16:04
Ռուս հայտնի տնտեսագետ, քաղաքական գործիչ, Գլոբալիզացիայի խնդիրների ինստիտուտի հիմնադիր Միխայիլ Դելյագինը այսօր Facebook, Twitter սոցիալական ցանցերի իր էջերում հետաքրքիր գրառում է արել՝ նշելով, որ ռուսական լրատվամիջոցներից իրեն զանգաահարել և առաջարկել են գումարի դիմաց հարցազրույց տալ ու նշել, որ Հայաստանն է սանձազերծել կոնֆլիկտը Ադբեջանի դեմ։
«Ռուսական ԶԼՄ-ները, որոնց հետ տարի ու կես է՝ չեմ շփվում, զանգահարում և առաջարկում են գումարի դիմաց, ինչքան դուք կառաջարկեք, մեկնաբանություն տալ, որ Հայաստանն է Ադրբեջանի դեմ կոնֆլիկտը սանձազերծել՝ թիրախավորելով նրանց նավթային հորերը։ Իմ քաղաքավարի հարցին՝ ինչո՞ւ Հայաստանը (քանի որ փետրվարին հենց Ադրբեջանն է սկսել, և թուրքական ականջներն երևում են հաստատ ո՛չ հայկական գլխարկից) և որտե՞ղ են հենց կոնֆլիկտի գոտում ադրբեջանական նավթահորերը, մոսկովյան ԶԼՄ-ի տնտեսագիտական բաժնի խմբագիրն ասում է՝ «Դե, այսպիսին է Բաքվի դիրքորոշումը»։
Այսինքն, եթե վաղը Բաքվի դիրքորոշումը այն կլինի, որ հայերի ցեղասպանությունը իրականացրել են ռուսները, մոսկովյան ԶԼՄ-ները փողի դիմաց ուրախությամբ պիտի դա հաստատող մեկնաբանություններ հավաքեն։ Ժամանակը չէ՞ մաքրել մեդիադաշտը»,- ֆեյսբուքյան իր էջում գրել է Միխայիլ Դելյագինը։
Հավելենք, որ նա չի նշել, որ ԶԼՄ-ի մասին է խոսքը։
