17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Պատմության մեջ առաջին անգամ «Ոսկե գնդակ» մրցանակը չի շնորհվի
20.07.2020 | 21:14
France Football-ը որոշել է, որ Եվրոպայի լավագույն ֆուտբոլիստի համար նախատեսված «Ոսկե գնդակը» չի շնորհվի 2020 թվականին: France Football-ը այս մրցանակի կազմակերպիչն է, գրում է armsport.am-ը։
«Ոսկե գնդակը» առաջին անգամ չի շնորհվի իր պատմության մեջ: Մրցանակաբաշխությունն անցկացվում է 1956 թվականից:
Ըստ Goal-ի՝ «Ոսկե գնդակի» հավակնորդների վարկանիշային ցուցակի առաջատարը «Բավարիայի» լեհ հարձակվող Ռոբերտ Լևանդովսկին է: Երկրորդ տեղում է «Յուվենտուսի» պորտուգալացի հարձակվող Կրիշտիանու Ռոնալդուն: Երրորդ տեղն է զբաղեցնում «Մանչեսթեր Սիթիի» բելգիացի կիսապաշտպան Կևին դե Բրույնեն:
«Ոսկե գնդակը» ամենամյա ֆուտբոլային մրցանակ է, որը տրվում է Եվրոպայի տարվա լավագույն ֆուտբոլիստին: Մրցանակը սահմանել է France Football ամսագրի գլխավոր խմբագիր Գաբրիել Անոն, ով 1956-ին խնդրել էր քվեարկություն կազմակերպել գործընկերների շրջանում՝ Եվրոպայի տարվա լավագույն խաղացողին որոշելու համար: Անցյալ տարվա արդյունքներով Մեսսին դարձավ լավագույնը՝ վեցերորդ անգամ նվաճելով մրցանակը:
