23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Շիրակում կորոնավիրուսի 26 նոր դեպք է հաստատվել․ Գյումրու ինֆեկցիոնում բուժվում է մարզի 70 բնակիչ
17.07.2020 | 17:09
Շիրակի մարզպետարանի հրապարակած տվյալներով՝ հուլիսի 17-ի ժամը 11։30-ի դրությամբ Գյումրու ինֆեկցիոն հիվանդանոցում կորոնավիրուսով Շիրակի մարզի 70 բնակիչ է բուժվում։
Մարզում այսօրվա դրությամբ տնային ինքնամեկուսացման ցուցում ունի 987 քաղաքացի, նրանցից 305-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Մարտի 1-ից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 6․298 նմուշառում, մայիսի 12-ից հուլիսի 16-ը ներառյալ Գյումրիում իրականացվել է 5․944 նմուշառման հետազոտություն։
Հուլիսի 16-ին հաստատվել է կորոնավիրուսային հիվանդության 26 նոր դեպք։ Նշենք, որ հուլիսի 14-ին հաստատվել էր կորոնավիրուսային հիվանդության 57 նոր դեպք։ Ստացվում է՝ առաջնակի դրական դեպքերը նվազել են։
Ընդհանուր առմամբ, մարզում արձանագրվել է կորոնավիրուսից մահվան 29 դեպք։ 4 նոր մահերը գրանցվել են Երևանում՝ այնտեղ տեղափոխված ծանր դեպքերն են։ Շիրակի մարզպետարանից Factor.am-ին փոխանցեցին, որ դրանք վերջին օրերին գրանցված դեպքեր չեն։
Հավելենք, որ 47 հիվանդ բուժում է ստանում Երևանում։ Կորոնավիրուսից առողջացել և հիվանդանոցից մինչ օրս դուրս է գրվել Շիրակի մարզի 378 բնակիչ։
