16.06.2026 | 11:22
Փամբակ գետում որոնողական աշխատանքները շարունակվում են․ ներգրավված են մեծ թվով փրկարարներ և ոստիկաններ
Եթե հաջողվի Covid-19 պատվաստանյութ ձեռք բերել, դա պարտադիր չի լինի․ Գայանե Սահակյան. ՏԵՍԱՆՅՈՒԹ
17.07.2020 | 13:04
Covid-19 կոնտակտավորի դեպքում այլ հիվանդությունների դեմ պատվաստումները կատարվում են 14-օրյա շրջանն ավարտելուց հետո, իսկ եթե մարդը վարակակիր է, սպասում ենք այնքան, մինչև մարդը լրիվ առողջանա, նոր պատվաստում կատարենք։ Այս մասին այսօր մամուլի ասուլիսի ժամանակ հայտնեց ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը։
Անդրադառնալով հենց Covid-19 վիրուսի դեմ պատվաստանյութերին, Գայանե Սահակյանը նշեց, որ այժմ կան մի քանի պատվաստանյութեր, որոնք փորձարկման երրորդ փուլում են գտնվում։ «Եթե մեզ բախտ վիճակվի այդ պատվաստանյութը ձեռք բերել և երկիր ներկրել, դա պարտադիր չի լինի։ Ռիսկի խմբերը կսահմանվեն և ռիսկի խմբերին միայն կառաջարկվեն պատվաստանյութերը։ Այսօր կորոնավիրուսի դեմ պատվաստանյութերի պահանջարկը բավականին մեծ է ամբողջ աշխարհում և ասել, որ Հայաստանն այն անմիջապես ձեռք կբերի և կներկրի մինչև տարվա վերջ, դա ճիշտ չեմ ասի, բավականին դժվար է այդ գործընթացը, թեպետ մենք բանակցություններ իրականացնում ենք»,- նշեց Սահակյանը։
Մանրամասները՝ տեսանյութում։
