14.07.2026 | 17:49
Ուկրաինան հայտարարել է ՌԴ ԱԴԾ նավ խորտակելու մասին․ զոհեր և վիրավորներ կան
Կանայք, ծերերը և երեխաները Թալիշից ու Մատաղիսից ժամանակավոր հեռացվել են. տղամարդիկ գյուղերում են
16.07.2020 | 19:33
Հուլիսի 12-ից հայ-ադրբեջանական սահմանին տեղի ունեցող ռազմական գործողությունների հետ կապված Արցախի Հանրապետության Թալիշի և Մատաղիսի բնակիչները առաջարկել են երկրի ղեկավարությանը իրենց տեղափոխել թիկունքային համայնքներ:
«Արցախի Հանրապետության նախագահ Արայիկ Հարությունյանի՝ Մարտակերտի շրջանի Թալիշ և Մատաղիս համայնքների բնակիչների հետ հանդիպմանը, հատկապես Թալիշում ապրողները և Մատաղիսից որոշ ընտանիքներ, մտահոգություն հայտնելով Տավուշում տեղի ունեցող ռազմական գործողությունների առթիվ, խնդրել են ապահովության նկատառումներով կանանց, երեխաներին և ծերերին ժամանակավորապես տեղափոխել թիկունքային համայնքներ: Հանրապետության նախագահի հանձնարարականով՝ տարհանումը կազմակերպվել է: Տեղափոխված բոլոր անձինք ապահովվել են կացարաններով և սննդով»,- Factor.am-ին փոխանցեց ԱՀ նախագահի խոսնակ Վահրամ Պողոսյանը:
Նրա տեղեկացմամբ՝ առաջնագիծը հարաբերականորեն հանգիստ է, իսկ Պաշտպանության բանակն ամբողջովին տիրապետում է իրավիճակին: Վահրամ Պողոսյանը նաև ասաց, որ ոչ բոլոր ընտանիքներն են հեռացել գյուղերից:
Նարեկ Կիրակոսյան
