29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
ԱԻՆ մեքենան այրվել է հակառակորդի հարվածից, վիրավորներ չկան
16.07.2020 | 18:33
Հակառակորդի մարտական ԱԹՍ-ն մի քանի ժամ առաջ հարվածել է ՀՀ Արտակարգ իրավիճակների նախարարության մեքենային: Այս մասին Factor.am-ի հետ զրույցում ասաց արտակարգ իրավիճակների նախարար Ֆելիքս Ցոլակյանը:
«Վնասը նյութական է, ծառայողները չեն վնասվել, միայն մեքենան է վնասվել: Մնացած հարցերով դիմեք տեղեկատվական միասնական կենտրոն»,- ասաց Ցոլակյանը:
Հիշեցնենք, որ ՊՆ-ն հայտարարություն է տարածել, որ Ադրբեջանը, նորից խախտելով մարտական գործողությունների և կրակի դադարեցման պայմանավորվածությունը, կիրառում է հարվածային ԱԹՍ-ներ, այդ թվում՝ նաև բնակավայրերի ուղղությամբ։
Նկատենք, որ այսօրվա կառավարության նիստին ԱԻՆ նախարարն ասաց, որ Տավուշի սահմանամերձ գյուղերում իրենք նույնիսկ հրշեջ մեքենաներն ենք ներկել, որովհետև կարմիր գույնը նկատելի է հեռվից:
«Դա իզուր եք ասում»,- նկատեց վարչապետ Փաշինյանը:
Ցոլակյանի պարզաբանմանը, թե թող ադրբեջանցիները տեսնեն, որ դա հրշեջ մեքենա է, այլ մեքենայի տեղ չդնեն, վարչապետը հակադարձեց. «Եթե բնակելի տներին են խփում, հրշեջ մեքենան չեմ կարծում, թե դրական վերաբերմունքի արժանանա»:
