27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ադրբեջանցիները 100 հոգով փորձել են դիրք գրավել. զոհերով հետ են շպրտվել. Նիկոլ Փաշինյան. ՏԵՍԱՆՅՈՒԹ
Քաղաքականություն
16.07.2020 | 11:15
Այս գիշեր ժամը 3:40-ի սահմաններում Ադրբեջանի ԶՈՒ հատուկ նշանակության ջոկատները, ավելի քան 100 հոգու կազմով, հերթական դիվերսիոն հարձակումն են գործել ՀՀ զինված ուժերի Տավուշի մարզի «Անվախ» կոչվող սահմանապահ դիրքը գրավելու նպատակով: Այս մասին, այսօր՝ հուլիսի 16-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Դիրքը գտնվում է Մովսես, Այգեպար գյուղերի ուղղությամբ և հենց այս դիրքի շրջանում են զարգանում վերջին օրերի իրադարձությունները:
Հայոց բանակի դիրքապահները նկատել են հակառակորդի շարժը և անցնելով շրջանաձև պաշտպանության, կանխել են դիվերսիոն ներթափանցման փորձը: Թեժ մարտից հետո հակառակորդը ետ է շպրտվել՝ նախնական տվյալներով տալով զոհեր ու վիրավորներ, կորցնելով տեխնիկա:
Այնուհետև Ադրբեջանի ստորաբաժանումները ժամը 5:20-ից սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից: Զուգահեռ գրոհներ են ձեռնարկվել «Անվախ» դիրքի հարևան դիրքերի ուղղությամբ, սակայն ՀՀ զինված ուժերը բոլոր գրոհները վստահորեն հետ են մղել և իրավիճակն առել լիակատար վերահսկողության տակ:
Ուզում եմ ընդգծել, որ մեր կողմից զոհեր և վիրավորները չկան ոչ զինվորականների, ոչ քաղաքացիական բնակչության շրջանում»,- ասաց նա:
Վարչապետը նաև հավելեց, որ վերջին օրերին՝ սկսած կիրակի օրվանից, ադրբեջանական կողմը հրետակոծել է Այգեպար, Չինարի, Մովսես, Ներքին կարմիրաղբյուր գյուղերը, որի հետևանքով վնասվել են քաղաքացիական ենթակառուցվածքներ, բնակելի տներ: «Ես արդեն հանձնարարել եմ ուսումնասիրել վերջին օրերին հասցրած վնասները և տալ գնահատական»,- ընդգծեց նա:
Մանրմասները՝ տեսանյութում:
