29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Ադրբեջանի իշխանությունը ցնցվում է․ հայկական գրոհի պահին Ալիևը չի գտել Մամեդյարովին
Քաղաքականություն
15.07.2020 | 22:44
Ադրբեջանը ոչ միայն ծանր պարտություն է կրել հայկական բանակից, այլև արդեն հայտնի է դառնում, թե ինչպիսի պառակտումներ են այդ երկրի իշխանություններում։
«Թուրան» գործակալությունից տեղեկանում ենք, որ հուլիսի 12-ին հայ-ադրբեջանական սահմանին իրադրության լարվածության սկզբից Ադրբեջանի ամբողջ ղեկավարությունը գտնվել է աշխատանքային տեղերում, բացառությամբ՝ Արտաքին գործերի նախարար Էլմար Մամեդյարովի։
Կառավարության նիստի ժամանակ Իլհամ Ալիևը դժգոհել է՝ ասելով․ «Ես չեմ կարողացել գտնել նրան, նա իր աշխատավայրում չէր»։ Ալիևը դժգոհություն է հայտնել Մամեդյարովի պահվածքից՝ նրան մեղադրելով անպատասխանատվության մեջ։ Նիստի ժամանակ Ալիևը դիմել է կառավարության ղեկավարին՝ խնդրելով տեղեկացնել իրեն Մամեդյարովի հետ երկխոսության մասին։ Վարչապետ Ալի Ասադովը ասել է, որ Մամեդյարովը տանն է գտնվել ժամը 3-ին․ «Ես հարցրեցի, ինչո՞ւ եք դուք տանը, պետք է լինեիք գրասենյակում և կատարեիք նախագահի հանձնարարությունները»։ Ապա վարչապետը Ադրբեջանի արտգործնախարարից պատասխան է ստացել, թե ինքը աշխատում է տնից։
Ըստ «Թուրան» գործակալության հաղորդման, Ալիևը դժգոհություն է հայտնել, որ արտգործնախարար Էլմար Մամեդյարովը հայկական կողմի հետ քննարկել է կորոնավիրուսի դեմ պայքարի հետ հարցեր․ «Ի՞նչ համագործակցության մասին կարող է լինել Հայաստանի հետ»,- Ալիևի խոսքերն է մեջբերում «Թուրան» գործակալությունը։
Տեղեկություններ են տարածվել, որ Մամեդյարովը հրաժարական է ներկայացրել արտգործնախարարի պաշտոնից։ Այս ընթացքում որպես նրա փոխանորդ շրջանառվել է Ադրբեջանի նախագահի աշխատակազմի արտաքին կապերի բաժնի պետ Հիքմեթ Հաջիևի անունը։ Օրեր առաջ Ադրբեջանի Պետական անվտանգության ծառայությունը հատուկ գործողություն էր իրականացրել Արտաքին գործերի նախարարությունում։ Խոսք է գնում խոշոր կոռուպցիայի մասին։
