17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Երևանը մտադիր չէ Մոսկվայից լրացուցիչ սպառազինություն խնդրել․ ՀՀ դեսպան
Քաղաքականություն
15.07.2020 | 15:58
Երևանը մտադիր չէ Ռուսաստանից լրացուցիչ զենք խնդրել։ ՌԻԱ Նովոստիի հետ զրույցում այս մասին ասել է ՌԴ-ում ՀՀ դեսպան Վարդան Տողանյանը՝ պատասխանելով հարցին՝ Ադրբեջանի հետ սահմանին իրավիճակի լարվածության ֆոնին արդյո՞ք Հայաստանը զենքի լրացուցիչ մատակարարումների հարցով կդիմի ՌԴ-ին։
«Լրացուցիչ մատակարարումների կարիք այսօրվա դրությամբ չկա»,- ասել է դեսպանը։
Նա հավելել է, որ գոյություն ունեցող սպառազինությունը բավարար է՝ երկրի անվտանգությունն ապահովելու համար։
«Ռազմատեխնիկական համագործակցությունն այս տարիներին Ռուսաստանի հետ զարգանում է, գոյություն ունեն պարտավորություններ և համաձայնություններ, որոնք քննարկվում են մեր գերատեսչությունների կողմից։ Այն պատվերները, որոնք կան, և այն սպառազինությունը, որ սպասում ենք պլանային ռեժիմով, միանգամայն բավարար է՝ մեր երկրի անվտանգությունն ապահովելու համար»,- ընդգծել է Վարդան Տողանյանը։
Բացի այդ, ըստ դեսպանի, Երևանը մտադիր չէ նաև դիմել ՀԱՊԿ-ին՝ Ադրբեջանի հետ սահմանին խաղաղապահ զորակազմ տեղակայելու հարցով, սակայն «ժամանակը ցույց կտա, թե ինչպես կզարգանան իրադարձությունները»։
«Մենք չենք ձգտում, որպեսզի ինչ-որ երկրի զինվորը մարտնչի տարածաշրջանում։ Խնդիրն այն է, որ դիմելով ՀԱՊԿ-ին՝ մենք փորձել ենք ուշադրություն հրավիրել Հայաստանի նկատմամբ ագրեսիայի փաստի վրա։ Խոսքը զինվորական խմբավորումների կազմավորման և ռազմական գործողությունների մասին չէ, խոսքը դրա ուղղությամբ քաղաքական մակարդակով ուշադրություն դարձնելու մասին է»,- ամփոփել է ՌԴ-ում ՀՀ դեսպանը։
