19.09.2026 | 09:41
Արսեն Հարությունյանը նվաճել է RAF-ի չեմպիոնական գոտին. ՏԵՍԱՆՅՈՒԹ
Քանզի գնում է արտաքին վտանգի սրացում, պետք է լինի համազգային համախմբում. Արման Աբովյան. ՏԵՍԱՆՅՈՒԹ
Քաղաքականություն
14.07.2020 | 16:45
Բացի ներքին պատճառներից, սոցիալական վիճակից, տարածաշրջանային իրավիճակ կա, որի պատճառով Ադրբեջանը որոշեց գնալ սադրանքի։ Այսօր խորհրդարանում՝ Factor.am-ի հետ զրույցում, այս տեսակետը հայտնեց ԱԺ «Բարգավաճ Հայաստան» խմբակցության քարտուղար Արման Աբովյանը՝ խոսելով Ադրբեջանի կողմից ՀՀ պետական սահմանին սկսված ռազմական գործողությունների մասին։
«Թուրքիան գրել էր, որ պատրաստ է իրեն զոհաբերել՝ հանուն Ադրբեջանի. դե, մենք դեմ չենք»,- ասաց պատգամավորը։
Նա համամիտ է այն մտքին, որ ստեղծված իրավիճակում մեր երկրում քաղաքական խնդիրները պետք է մի կողմ դնել։
«Թուրքն ու ադրբեջանցին տարբերություն չի դնում՝ իշխանություն ես, թե՞ ընդդիմություն։ Քանզի գնում է արտաքին վտանգի սրացում, պետք է լինի համազգային համախմբում։ Մեր կուսակցության ղեկավար պարոն Ծառուկյանը հայտարարություն էր տարածել, որ արտաքին վտանգի դեպքում պետք է մի կողմ դրվեն ներքին տարաձայնությունները»,-շեշտեց Աբովյանը։
Մանրամասները՝ տեսանյութում:
Մերի Մարտիրոսյան
