29.04.2026 | 13:27
Ավանեսյանը՝ Բաքվում պահվող գերիների առողջական վիճակի և ադրբեջանական պատվիրակության այցի մասին․ ՏԵՍԱՆՅՈՒԹ
Ոստիկանության պետը հանձնարարել է լրջորեն զբաղվել ծառայողների կրթական մակարդակի բարձրացմամբ. ՏԵՍԱՆՅՈՒԹ
Հասարակություն
14.07.2020 | 16:22
Ոստիկանության պետ Վահե Ղազարյանը հուլիսի 14-ին աշխատանքային խորհրդակցություն է անցկացրել. այս մասին հաղորդագրություն է տարածել ՀՀ ոստիկանությունը․
«Մասնակցում էին ոստիկանության պետի տեղակալ Տիգրան Եսայանը, շտաբի պետ Արմեն Մկրտչյանն ու ոստիկանության շտաբի և մարզային վարչությունների շտաբների ղեկավար կազմը։ Վահե Ղազարյանը, անդրադառնալով տարածքային ստորաբաժանումների ծառայողների մասնագիտական գիտելիքների բարելավման հարցին, հանձնարարեց լրջորեն զբաղվել ծառայողների մասնագիտական գիտելիքների կատարելագործմամբ ու կրթական մակարդակի բարձրացմամբ։ Այս համատեքստում ղեկավար կազմին հանձնարարեց նաև ակտիվացնել ենթակա ծառայողների հետ շփումը և ձեռնարկել գործնական քայլեր՝ հնարավորինս արագ ակնառու արդյունքի հասնելու համար։ Ոստիկանության պետը անդրադարձավ նաև ահազանգերի գրանցման, վարչական իրավախախտումների արձանագրման կարգին վերաբերող հարցերի՝ հանձնարարելով աշխատանքը կատարել անթերի։ Աշխատանքային խորհրդակցությանը քննարկվեցին նաև շտաբների գործունեությանը վերաբերող այլ հարցեր»,- ասված է հաղորդագրության մեջ։
