18.11.2024 | 11:30
ՆԳ նախարար Վահե Ղազարյանը հրաժարականի դիմում է ներկայացրել
Ադրբեջանական «Anti-Armeni» հաքերային խումբը կոտրել է ՀՀ վարչապետի կայքը. Սամվել Մարտիրոսյան
14.07.2020 | 14:20
Արդեն տևական ժամանակ է՝ հասանելի չեն կառավարության gov.am, e-gov.am և ՀՀ վարչապետի primeminister.am պաշտոնական կայքերը:
Կառավարության լրատվական վարչության պետ Արմեն Խաչատրյանը Factor.am-ին փոխանցել էր, որ փորձում են հասկանալ, թե ինչ խնդիրներ են ծագել:
Տեղեկատվության անվտանգության փորձագետ Սամվել Մարտիրոսյանն էլ Factor.am-ի հետ զրույցում ասաց, որ Հայաստանի գործադիր իշխանության երեք կայքերը ադրբեջանական հաքերների կողմից հարձակման են ենթարկվել:
«Ադրբեջանական հաքերներն են « Anti-Armeni» խմբից: Կայքերում ադրբեջանական քարոզչություն էր կախված: Այժմ սերվերն անջատել են, որ կայքը վերականգնեն»,- նշեց Սամվել Մարտիրոսյանը:
Տեղեկատվության անվտանգության փորձագետի գնահատմամբ՝ սա հակառակորդի հնարավորությունների սխալ գնահատման արդյունք է:
Նարեկ Կիրակոսյան
