08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դատախազներին ինքնաբացարկ, քրգործը կասեցնելու ու ՍԴ ուղարկելու միջնորդություններ Քոչարյանի և մյուսների նիստին
Հասարակություն
14.07.2020 | 13:44
ՀՀ երկրորդ նախագահ, Մարտի 1-ի գործով Սահմանադրական կարգը տապալելու համար մեղադրվող Ռոբերտ Քոչարյանի և մյուսների գործով ընթանում է հերթական դատական նիստը։
Նիստի մեկնարկին դատարանը տեղեկացրեց, որ Մարտի 1-ի գործով տուժող ճանաչված Սերգեյ Եղիազարյանի ներկայացուցիչ Էդուարդ Ասլանյանը դատախազներին ինքնաբացարկի միջնորդություն է ցանկանում ներկայացնել, սակայն այսօր դատարակ չէր եկել, դատարանը միջնորդության քննարկումը հետաձգեց մինչ նրա ներկայանալը։
Նշենք, որ այս տուժողն ու իր ներկայացուցիչը մյուսներից տարբերվում են իրենց վարքագծով, նրանք բոլոր դատական նիստերին միանում են Ռոբերտ Քոչարյանի պաշտպանների միջնորդություններին և հանդիմանում մյուս տուժողներին։
Բացի այս, դատարանը ստացել էր նաև երկու միջնորդություն՝ Ռոբրտ Քոչարյանի պաշտպաններից ու Սեյրան Օհանյանի պաշտպաններից. երկու միջնորդություններ էլ վերաբերվում էին գործը կասեցնելուն և այն ՍԴ ուղարկելուն։
Դատարանը որոշեց այս երկու միջնորդությունները քննել համատեղ։ Այժմ միջնորդությամբ է հանդես գալի Սեյրան Օհանյանի պաշտպան Կարեն Մեժլումյանը։
Լիլիթ Շաբոյան
