22.02.2026 | 20:35
Մուտքային և ելքային չվերթների սահմանափակումներ` Մոսկվայի օդանավակայաններում
Համացանցում է հայտնվել գրաված նոր դիրքի առաջին լուսանկարը
13.07.2020 | 21:26
«Մեր նոր դիրքի առաջին լուսանկարներից։ Հերթական “Քուռի հարթավայրն ափի մեջ” դիրքերից։ Բարով ու անփորձանք վայելենք։ Խաղաղության ու խաղաղություն պարտադրող դիրք է։ Կեցցեն ՏՂԵՐՔԸ»,- ֆեյսբուքի իր էջում գրել է ՀՀ հանրային խորհրդի նախագահ Ստյոպա Սաֆարյանը ու լուսանկար հրապարակել:
Ըստ ոչ պաշտոնական հաղորդագրության՝ Հայկական բանակը գրավել է հակառակորդի 2 դիրք, ադրբեջանական կողմը ունի զոհեր:
Հիշեցնենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել:
Հայկական կողմի նախազգուշացումից հետո ադրբեջանական զինծառայողները, թողնելով ՈՒԱԶ ավտոմեքենան, վերադարձել են իրենց դիրք: Ժամը 13:45-ին Ադրբեջանի ԶՈՒ զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել: Երեկոյան ադրբեջանական կողմը վերսկսել է հրետակոծել նույն դիրքի ուղղությամբ 82 մմ ականանետից և տանկից: Կրակոցները պարբերաբար տարբեր ինտենսիվությամբ շարունակվել են ամբողջ գիշերվա ընթացքում: Հակառակորդի բոլոր փորձերը թիրախավորվել են հայկական զինված ուժերի ստորաբաժանումների կողմից և չեզոքացվել:
Հուլիսի 13-ի առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ՀՀ ԶՈՒ ստորաբաժանումների կողմից տրվել է համարժեք պատասխան։
