29.08.2026 | 22:02
Ֆուտզալի Չեմպիոնների լիգա. Հայաստանի չեմպիոնը նվաճեց հաջորդ փուլի ուղեգիր
Լավրովը Հայաստանին և Ադրբեջանին անհապաղ հրադադարի կոչ է արել
Քաղաքականություն
13.07.2020 | 18:32
ՌԴ ԱԳ նախարար Սերգեյ Լավրովն այսօր հեռախոսազրույցներ ունեցել Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հետ՝ կողմերին անհապաղ հրադադարի կոչ անելով։ Այս մասին հաղորդում է ՏԱՍՍ-ը։
«Քննարկվել է հայ-ադրբեջանական սահմանին իրադրության սրացումը։ Սերգեյ Լավրովը կողմերին կոչ է արել անհապաղ դադարեցնել կրակը, զսպվածություն ցուցաբերել՝ հաշվի առնելով ստանձնած պարտավորությունները, ինչպես նաև ԵԱՀԿ Մինսկի խմբի համանախագահներ Ռուսաստանի, ԱՄՆ-ի և Ֆրանսիայի ներկայացուցիչների ու ԵԱՀԿ գործող նախագահի անձնական ներկայացուցչի առաջարկները»,- ասվում է հաղորդագրությունում։
Լավրովն ընդգծել է, որ Ռուսաստանը կշարունակի Բաքվի և Երևանի հետ շփումներում միջնորդական առաքելությունը՝ ինչպես ազգային մակարդակով, այնպես էլ ԵԱՀԿ Մինսկի խմբի համանախագահության շրջանակում։
Նշվում է նաև, որ «ռուսական կողմը նաև ընդգծել է այն հանգամանքի կարևորությունը, որ Մինսկի խմբի բոլոր անդամները ստեղծված իրադրության գրահատականներում պատասխանատու մոտեցում ցուցաբերեն և խուսափեն հայտարարություններից ու գործողություններից, որոնք կարող են լարվածության լրացուցիչ աճ սադրել»։
