06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Եվրամիությունը հորդորում է դադարեցնել զինված առճակատումը
Քաղաքականություն
13.07.2020 | 18:11
Հայաստանում Եվրոպական միության պատվիրակության մամուլի խոսնակը հայտարարություն է տարածել, որում ասված է.
«2020 թվականի հուլիսի 12-ից 13-ը Հայաստանը և Ադրբեջանը ահազանգել են իրենց ընդհանուր սահմանին տեղի ունեցած ծանր զենքի ներգրավմամբ լուրջ միջադեպի մասին: Ցավալիորեն, այն հանգեցրել է կյանքերի կորստի:
ԵՄ-ն հորդորում է երկու կողմերին դադարեցնել զինված առճակատումը, զերծ մնալ լարվածություն առաջացնող գործողություններից և հռետորաբանությունից և անհապաղ միջոցներ ձեռնարկել՝ կանխելու հետագա էսկալացիան: Այս համատեքստում երկու կողմերը պետք է ի գործ դնեն ուղիղ հաղարդակցւթյան իրենց մեխանիզմները, ԵԱՀԿ ՄԽ համանախագահների, ինչպես նաև ԵԱՀԿ գործող նախագահի անձնական ներկայացուցչի առաջնորդությամբ հաստատված ձևաչափում: Հրադադարի ռեժիմի այս լուրջ խախտումն ընդգծում է ԵԱՀԿ մշտադիտարկման վերականգնման հրատապությունը՝ պայմանները թույլ տալուն պես:
ԵՄ-ն կոչ է անում կողմերին խստորեն հարգել հրադադարի ռեժիմը, իրենց ներուժը և ռեսուրսները ներդնել՝ պայքարելու կորոնավիրուսի դեմ, վերստին ներգրավվել ԵԱՀԿ Մինսկի խմբի համանախագահների հովանու ներքո բովանդակային բանակցություններում և նախապատրաստել իրենց բնակչությանը խաղաղության»:
