15.12.2025 | 23:30
Պինոչետի բռնապետությունից ի վեր առաջին անգամ Չիլիի նախագահական ընտրություններում ծայրահեղ աջերի թեկնածուն հաղթել է
Ադրբեջանական ՊՆ-ի տեսանյութի տարօրինակությունը․ Սամվել Մարտիրոսյանի պարզաբանումը. ՏԵՍԱՆՅՈՒԹ
Քաղաքականություն
13.07.2020 | 15:58
Հայկական բանակի կրակից զոհեր տված Ադրբեջանի ՊՆ-ն հայտարարել է, որ կիրառել են հրետանի, ականանետեր, տանկեր, ինչի հետևանքով, իբրև թե գիշերային մարտերում ոչնչացվել է մարտական հենակետ։
Կից հրապարակվել է տեսանյութ, որը ինչպես Factor.am-ին ասաց տեղեկատվական անվտանգության մասնագետ Արմեն Մարտիրոսյանը, տարօրինակություններ է պարունակում․ «Ադրբեջանցիները հայտնել են գիշերային հարվածների մասին, սակայն տեսանյութում ակնհայտ երևում է, որ գիշեր չէ, ցերեկն է նկարահանված, այսինքն՝ միջադեպի սկսվելուց ավելի վաղ ժամանակ է նկարվել տեսանյութը։ Ստվերների ուղղությունը, որ նայենք, էսպիսի ստվերներ լինում են ցերեկվա ժամ 13։00 – 14։00-ի կողմերը, մինչդեռ իրենք նշում են, թե գիշերն է տեղի ունեցել»։
Սամվել Մարտիրոսյանին տարօրինակ է թվում նաև հարվածի ուղղությունը․ «Եթե դանդաղ նայենք հարվածի պահը, տեսնում ենք, որ հարվածը գալիս է թիկունքից։ Ակնհայտ է, որ սա հնարավոր չէր, եթե ենթադրաբար սա մեր դիրքերը լինեն։ Երևում է, թե Ադրբեջանը որ կողմում է, իսկ հարվածը գալիս է էն կողմից, որտեղ մեքենայի ճանապարհն է, որն ակնհայտորեն, մեր դիրքեր է տանում։ Էստեղ տարբերակ կա, որ անօդաչու են օգտագործել, բայց ենթադրում եմ՝ սա էս անգամ՝ գիշերը չի եղել։ Իրենք չեն հայտնել, որ անօդաչու են օգտագործել»,- Factor.am-ին հայտնեց տեղեկատվական անվտանգության մասնագետ Արմեն Մարտիրոսյանը։
Մանրամասն՝ տեսանյութում
