Կապի ու հեռահաղորդակցության ոլորտում գործունեություն ծավալող «Վիվա-ՄՏՍ» ընկերությունից հերքում են ընկերության բաժնետոմսերի վաճառքի մասին մամուլում տարածված տեղեկությունը:
Factor.am-ի հարցին ի պատասխան՝ ընկերության լրատվական ծառայությունից փոխանցեցին․ «Նմանատիպ գործընթաց տեղի չի ունենում: Ընկերությունը բնականոն ռեժիմով շարունակում է մատուցել ծառայություններն իր բաժանորդներին»:
Նկատենք, որ «Վիվա-ՄՏՍ»-ի վաճառքի մասին տեղեկությունները շրջանառվում են «Յուքոմ», «Բիլայն» և նորաստեղծ «Թիմ» ընկերությունների շուրջ ծավալվող իրադարձությունների ֆոնին:
Այսօր հայտնի դարձավ, որ «ԹԻՄ» ՍՊԸ-ին պետական կառույցները թույլ են տվել գնել «Բիլայն» ընկերությունը: «Բիլայնի» աշխատակիցներն այդ առիթով բողոքի ակցիա էին կազմակերպել:
Նարեկ Կիրակոսյան
