«Վանիկ Ասատրյանը ղեկավարել է ընտրակաշառք բաժանելու աշխատանքները». մանրամասներ՝ Գագիկ Ծառուկյանի թիմակցին ԱԱԾ-ի առաջադրած մեղադրանքից

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

2020 թվականի հուլիսի 7-ից կալանավորված և ԱԱԾ մեկուսարանում գտնվող «Ծառուկյան» խմբակցության նախկին պատգամավոր Վանիկ Ասատրյանի նկատմամբ քննչական գործողությունները սկսվել են հունիսի 26-ից: Այս մասին Factor.am-ի հետ զրույցում ասաց նրա պաշտպան Էմին Բեգլարյանը:

«Վանիկ Ասատրյանի հետ կապված գործընթացները սկսվել են հունիսի 26-ից: Նրա բնակարանն են խուզարկել, հունիսի 28-ին որպես վկա հրավիրել են հարցաքննության, իսկ հուլիսի 3-ին հարցաքննության է հրավիրվել որպես մեղադրյալ, այդ օրն էլ միջնորդություն է ներկայացվել դատարան՝ կալանավորելու համար, ամսի 7-ին բավարարվել է»,- ներկայացրեց  պաշտպանը:

Հիշեցնենք՝ Ազգային անվտանգության ծառայությունը Վանիկ Ասատրյանին մեղադրում է 2017 թվականի խորհրդարանական ընտրությունների ժամանակ ընտրակաշառք բաժանելու համար: Այս գործով անցնում է նաև ԲՀԿ ղեկավար Գագիկ Ծառուկյանը: ԱԱԾ-ն նրան ևս ցանկանում է կալանավորել: Էմին Բեգլարյանի փոխանցմամբ՝ Վանիկ Ասատրյանը ցուցմունք է տվել և ասել, որ առաջադրված մեղադրանքներով իրեն մեղավոր չի ճանաչում:

Factor.am-ը փաստաբանից հետաքրքրվեց՝ արդյոք ԱԱԾ-ի առաջադրած մեղադրանքում նշվում է ինչ-որ գումարի չափ, որը Ասատրյանը, ըստ իրավապահների, բաժանել է ընտրողներին: «Կոնկրետ գումարի չափ հստակեցված չէ: Մեղսագրվում է կազմակերպված խմբի կողմից ընտրակաշառք բաժանելու վերաբերյալ արարք: Ըստ մեղադրանքի՝ Վանիկ Ասատրյանը ղեկավարել է այդ աշխատանքները: Մեղադրանքը շատ անորոշ է, մենք սա էլ ենք վիճարկում»,- ասաց նա:

Վանիկ Ասատրյանի բնակարանից առգրավվել են փաստաթղթեր: Պաշտպանը նշեց, որ այդ փաստաթղթերը ընտրացուցակների հետ կապ չունեն: Հարցին էլ՝ Գագիկ Ծառուկյանին տրված «հավատարմության երդման» բովանդակությամբ փաստաթղթեր գտնվե՞լ են կամ առգրավվել, Էմիլ Բեգլարյանը կրկին բացասական պատասխան տվեց: «Ոչ, ցուցակներ չեն առգրավվել, Վանիկ Ասատրյանի կողմից կատարված մի շարք գրառումներ են: Մեր բնորոշմամբ՝ առաջադրված մեղադրանքի հետ կապ չունեցող գրառումներ են: Եթե դուք նկատի ունենք այլ անձանց բնակարաններից գտնված ինչ-ինչ բովանդակությամբ փաստաթղթեր, ցուցակներ, ապա նման բովանդակությամբ գրառումներ չեն եղել»:

Պաշտպանը կարծում է, որ խախտվել են Վանիկ Ասատրյանի իրավունքները: «Խուզարկություն է իրականացվել Վանիկ Ասատրյանի՝ Սպիտակում գտնվող բնակարանում: Դատարանը նշել է կոնկրետ հասցե, որտեղ թույլատրել է խուզարկություն իրականացնել, նախաքննական մարմինը բոլորովին այլ հասցեում է խուզարկություն իրականացրել: Սա մեր գնահատմամբ հավասար է նրան, որ առանց դատարանի որոշման խախտել են մարդու բնակարանի անձեռնմխելիությունը: Սա բողոքարկել ենք: Դատարանը, որ հասցեում որ թույլտվություն էր տվել, որևէ կերպ Վանիկ Ասատրյանի հետ կապ չունի»:

Հիշեցնենք՝ 64-ամյա Վանիկ Ասատրյանը պատգամավոր էր ընտրվել «Ծառուկյան» դաշինքի տարածքային ցուցակով՝ 2017 թվականին: Մինչ այդ եղել է Սպիտակի քաղաքապետ, Լոռու փոխմարզպետ։ Հանրապետական կուսակցության անդամ է եղել, սակայն 2016 թվականին Սպիտակի քաղաքապետի ընտրություններում պարտվելուց հետո լքել է ՀՀԿ-ն:

Այս գործով անցնում է նաև «Բարգավաճ Հայաստան» խմբակցության նախկին պատգամավոր Աբրահամ Մանուկյանը։ Նա, սակայն,  այսօր Վերաքննիչ քրեական դատարանի որոշմամբ ազատ արձակվեց:

Նարեկ Կիրակոսյան