10.06.2026 | 21:40
Թրամփը շնորհավորել է Փաշինյանին
Ես միշտ անկաշկանդ եմ․ դատավոր Ալեքսանդր Ազարյան. ՏԵՍԱՆՅՈՒԹ
Հասարակություն
09.07.2020 | 14:47
«Ինձ համար ցանկացած որոշում ԲԴԽ-ից սպասելի էր։ Եթե ինձ համար ոչ բարենպաստ որոշում կայացվեր, ապա ես կհամաձայնվեի դրա հետ»,- այսօր ԲԴԽ նիստից հետո ասաց Վերաքննիչ դատարանի դատավոր Ալեքսանդր Ազարյանը։
Լրագրողների հարցին՝ արդյոք ԲԴԽ-ի այս որոշումից հետո դատավորներն ավելի անկաշկա՞նդ են լինելու, դատավորն ասաց, որ ինքը չի կարող ասել․ «Կաշկանդվողը կկաշկանդվի, անկաշկանդը՝ ոչ: Ես մշտապես անկաշկանդ եմ եղել»,- նշեց նա։
Հարցին՝ ինչի՞ մասին է խոսում ԲԴԽ-ի այս որոշումը, դատավորն ասաց. «Ես ՀՔԾ պետ չեմ, որ առանց որոշմանը ծանոթ լինելու որևէ գնահատական տամ»։
Դատավորը նաև հայտարարեց. «ԲԴԽ-ն կաշկանդված չէ իշխանության ներկայացուցիչների կողմից արտահայտված տրամադրություններով»։
Հիշեցնենք, որ ԲԴԽ-ն այսօր մերժեց դատավոր Ազարյանին կարգապահական պատասխանատվության ենթարկելու վերաբերյալ Արդարադատության նախարարության միջնորդությունը։
Միջնորդության հիմքում Արդարադատության նախարարությունը դրել է «5-րդ ալիք» հեռուստաընկերության սեփականատեր Արմեն Թավադյանի խափանման միջոցի գործով դատական նիստի ընթացքում դատավոր Ալեքսանդր Ազարյանի հնչեցրած խոսքերը, որոնք Արդարադատության նախարարությունն ու ՀՔԾ պետ Սասուն Խաչատրյանը որակում են վերջինիս, ինչպես նաև ՀՔԾ աշխատակիցների նկատմամբ անհարգալից վերաբերմունք։ «Հույս ունեի, որ չէիք իջնի ՀՔԾ պետի մակարդակին և չէիք քննադատի օրինական ուժի մեջ մտած դատական ակտը», – ասել էր Ալեքսանդր Ազարյանը։
Մանրամասները՝ տեսանյութում։
