08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
10 հազար դրամն այսօր մեծ գումար է. Սիսակ Գաբրիելյանը՝ դիմակ չկրելու համար տուգանքի մասին. ՏԵՍԱՆՅՈՒԹ
Քաղաքականություն
08.07.2020 | 14:30
ԱԺ «Իմ քայլը» խմբակցության պատգամավոր Սիսակ Գաբրիելյանն այսօր ԱԺ-ում՝ ճեպազրույցի ժամանակ, պատասխանելով լրագրողի հարցին, որ ՀՀ նախագահը կարծիք էր հայտնել, թե գուցե ճիշտ կլինի, որ ՍԴ դատավորներից երեքին նշանակի կառավարությունը, 3-ին ՀՀ նախագահը, 3-ին՝ Դատավորների ընդհանուր ժողովը, ասաց․ «Տարբերակ է, որը կարելի է քննարկել, բայց այս պահին գործ ունենք գործող Սահմանադրության հետ, որտեղ սահմանված է, թե ով է ընտրում ՍԴ դատավորներին և ում առաջարկությամբ: Եթե ՀՀ նախագահը ցանկանում է նման լիազորություն ստանալ, ապա այս պահին կա Սահմանադրական փոփոխությունների հանձնաժողով, որը քննարկում է հենց ավելի ընդլայնված սահմանադրական փոփոխություններ իրականացնելու հարցը: Գուցե այդտեղ քննարկվի։ Եղել են նաև դեպքեր, երբ վարչապետն էլ այս կամ այն հանձնաժողովի անդամի թեկնածու է առաջարկել և խորհրդարանը չի ընդունել այդ թեկնածությունը և դա լրիվ նորմալ է»,- ասաց պատգամավորը։
Ինչ վերաբերում է դիմակ չկրելու համար տուգանքների բարձրացմանն ուղղված նախագծին, որն արտահերթ նիստի օրակարգ չընդգրկվեց՝ Գաբրիելյանն ասաց, որ քննարկումների արդյունքում որոշել են այս պահին հարցը թողնել:
Նշենք, որ այս պահին դիմակ չկրելու համար տուգանքի չափը սահմանված է 10 հազար դրամ, ինչի առնչությամբ պատգամավորն ասաց. «10 հազար դրամն այսօր Հայաստանում մեծ գումար է»:
Ավելացնենք նաև, որ իշխող ուժի հեղինակած օրինագծով նախատեսվում է տուգանքի չափը մեծացնել՝ բաց տարածքների դեպքում դարձնելով 20 հազար, փակ տարածքների դեպքում՝ 50 հազար դրամ:
Մանրամասները՝ տեսանյութում:
Մերի Մարտիրոսյան
