07.06.2026 | 17:19
ՀՀ նախագահը քվեարկել է
Գյումրիի տարեցների տուն-ինտերնատի 55 շահառու վարակվել է կորոնավիրուսով․ հիվանդներից մեկը մահացել է
Հասարակություն
08.07.2020 | 13:34
Գյումրիի տարեցների տուն-ինտերնատում, որն այժմ կոչվում է Գյումրու շուրջօրյա խնամքի կենտրոն, կորոնավիրուսի դեպքեր են հայտնաբերվել։ Նշենք, որ «Գյումրու տուն-ինտերնատ» ՊՈԱԿ-ը լուծարվել է և մայիսի 1-ից մեկից խնամքի կենտրոնի կառավարումը ստանձնել է Հայկական Կարմիր Խաչ ընկերությունը։
Տուն- ինտերնատի 151 շահառուից 55-ի մոտ հաստատվել է կորոնավիրուս։ Նրանցից 37-ը հոսպիտալացված են, որից 3-ը Գյումրու ինֆեկցիոն հիվանդանոցում, մի մասը Սպիտակում ու Երևանում։ Մի հիվանդ մահացել է Սպիտակում։ Այս մասին մեզ փոխանցեցին Շիրակի մարզպետարանի տեղեկատվության ու հասարակայնության հետ կապերի բաժնից։
«Մեր մասով, ովքեր տեղում են և չեն հոսպիտալացվել, դրականով հաստատված են ու ծերանոցում են, մենք իրենց վերցրել ենք հսկողության տակ, ինչպես մյուս դրականով տնային հսկողության վերցվածներին, որպես մեր թիվ 3 պոլիկլինիկայի շահառուներ»,- մեզ հետ զրույցում ասաց Շիրակի մարզպետարանի առողջապահության և սոցիալական ապահովության վարչության պետի ժամանակավոր պաշտոնակատար Լեյլի Ասլանյանը։
Նշենք, որ վերջին տվյալներով Գյումրու ինֆեկցիոն հիվանդանոցում կորոնավիրուսով վարակված 67 հիվանդ է բուժվում, նրանցից 65-ը Շիրակի մարզի բնակիչ է։
Էմմա Չոբանյան
