16.06.2026 | 11:22
Փամբակ գետում որոնողական աշխատանքները շարունակվում են․ ներգրավված են մեծ թվով փրկարարներ և ոստիկաններ
Նոր որոշում. շնչառական հիվանդություններ ունեցողները կարող են դիմակ չկրել բաց տարածքներում
08.07.2020 | 13:20
Շնչառական հիվանդություններ ունեցող քաղաքացիները հանրային բաց տարածքներում կարող են դիմակ չկրել։ Այս մասին նոր որոշում է ստորագրել ՀՀ պարետ Տիգրան Ավինյանը՝ լրացում կատարելով 2020 թվականի մայիսի 3-ի N63 որոշման մեջ։
«Ղեկավարվելով Հայաստանի Հանրապետության կառավարության 2020 թվականի
մարտի 16-ի N 298-Ն որոշմամբ`
1. Պարետի՝ 2020 թվականի մայիսի 3-ի «Հայաստանի Հանրապետության ողջ տարածքում
կիրառվող ժամանակավոր սահմանափակումների վերաբերյալ» N 63 որոշման 6-րդ կետում
«իրականացնելիս:» բառից հետո լրացնել նոր պարբերությամբ՝ հետևյալ բովանդակությամբ՝
«Քրոնիկ շնչառական հիվանդություններ՝ ասթմա, թոքերի քրոնիկ օբստրուկտիվ
հիվանդություն, էմֆիզեմա կամ բրոնխիտ` ծանր շնչառական անբավարարության
առկայության դեպքում, ինչպես նաև 3-րդ, 4-րդ ֆունկցիոնալ դասի քրոնիկ սրտային
անբավարարություն ունեցող անձինք հանրային բաց տարածքներում կարող են չկրել դիմակ՝
պայմանով, որ վերջիններս իրենց մոտ ունենան համապատասխան հիվանդության փաստը
հաստատող բժշկական փաստաթուղթ:
2. Սույն որոշումն ուժի մեջ է մտնում 2020 թվականի հուլիսի 8-ից՝ ժամը 23:59-ից»,- նշված է որոշման մեջ։
