19.09.2026 | 13:33
ԱԺ պատվիրակությունը սեպտեմբերի 27-ից հոկտեմբերի 2-ը կմեկնի Ստրասբուրգ
Դիմակ չկրելու համար տուգանքները խստացնող օրինագիծը կրկին կբերվի՞ Ազգային ժողով
Քաղաքականություն
08.07.2020 | 11:53
Վարչական իրավախախտումների մասին օրենքը, որը նախատեսում է բաց տարածքներում դիմակ չկրելու դեպքում տուգանքը 10 հազարից դարձնել 20 հազար դրամ, իսկ փակ տարածքներում՝ 50 հազար, դուրս է եկել ԱԺ արտահերթ նիստի օրակարգից։
ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը, դիմելով «Իմ քայլը» խմբակցության պատգամավոր Սիսակ Գաբրիելյանին՝ հարց ուղղեց․ արդյոք այն նախատեսվո՞ւմ է կրկին բերել Ազգային ժողով, թե այն որոշակի փոփոխություններից հետո նորից վերադառնալու է օրակարգ։
«Նախագիծն այս պահին շրջանառությունից ընդհանրապես հանված է, իսկ կգա, թե չի գա, ո՛չ ես, ո՛չ Դուք, ո՛չ որևէ մեկը չի կարող սահմանափակել պատգամավորի իրավունքը ներկայացնելու օրենսդրական նախաձեռնություն»,- նշեց Գաբրիելյանը։
Վերջինիս խոսքով, այնուամենայնիվ, քննարկումներ կան օրինագծի շուրջ: «Մի մասը օրինակ է բերում Վրաստանը, որտեղ տուգանքները, եթե չեմ սխալվում, 100 հազար դրամից էլ մի փոքր բարձր է և ասում են՝ միգուցե այնտեղ արդյունավետության միջոցը հենց դա է եղել։ Մի մասն էլ ասում է՝ ո՛չ, եկեք չգնանք այդ պատժիչ մեթոդներով»,- նշեց Գաբրիելյանը։
Մանրամասները՝ տեսանյութում:
