05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Հնարավոր չէ այսկերպ դատավարությունը շարունակել․ Տիգրան Եգորյան. ՏԵՍԱՆՅՈՒԹ
Հասարակություն
07.07.2020 | 16:14
Մարտի 1-ի գործով տուժողների իրավահաջորդների ներկայացուցիչ Տիգրան Եգորյանն այսօր դատարանում հայտարարեց, որ այսկերպ դատական նիստեր անցկացնելը հնարավոր չէ: «Ուղղակի հանարավոր չէ 6 էջանոց միջնորդության մասին երեք ժամ շարունակ լսել երեք պաշտպանի խոսք միայն»,- ասաց նա։
Փաստաբանն ասաց, որ դատարանը կարող է յուրաքանչյուրին իր խոսքի համար որոշակի ժամանակ սահմանել, որպեսզի դատավարության մասնակիցները «ժամավաճառությամբ» չզբաղվեն։
Հիշեցնենք, որ այսօր ողջ օրը պաշտպանական կողմն առարկեց դատախազի դատաքննության անցնելու միջնորդությունը։ Տիգրան Եգորյանը նշեց, որ Սեյրան Օհանյանի պաշտպանը խոսում է մեղադրանքի և ոչ թե միջնորդության մասին, իսկ երբ Մեժլումյանը նույնկերպ շարունակեց իր խոսքը, Եգորյանը դատարանից դուրս եկավ, զգուշացնելով, որ կվերադառնա քառասուն րոպեից։
Մանրամասները՝ տեսանյութում։
Լիլիթ Շաբոյան
