19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
Դատախազը բարկացավ Քոչարյանի գործով իր միջնորդության վերաբերյալ «սուտ» որակումից․ նիստը շարունակվում է
Հասարակություն
07.07.2020 | 13:52
Երևանի ընդհանուր իրավասության դատարանում դատավոր Աննա Դանիբեկյանի նախագահությամբ շարունակվում է Մարտի 1-ի գործով Սահմանադրական կարգը տապալելու կամ դրան օժանդակելու գործով դատական նիստը։
Նախորդ դատական նիստին պաշտպանները միջնորդել էին, որպեսզի նիստին ապահովվի դատավարության մասնակիցների միջև սոցիալական հեռավորությունը, ինչը այս դատական նիստին արվեց։
Նիստի մեկնարկին դատավորը քննարկման առարկա դարձրեց դատախազի միջնորդությունը՝ գործով դատաքննության փուլին անցնելու վերաբերյալ։ Այս միջնորդության քննարկումը առաջացրեց պաշտպանական կողմի դժգոհությունը, անգամ տեսակետներ հնչեցին, թե սա միջնորդություն է պաշտպանական կողմին միջնորդություններ ներկայացնելու հնարավորությունից զրկելու մասին։
Ռոբերտ Քոչարյանի պաշտպաններից Հովհաննես Խուդոյանը նշեց, թե դատախազի պնդումը, որ իրենք իրավունքի չարաշահում են իրականացնում կամ նույնաբովանդակ միջնորդություններ են ներկայացնում չի համապատասխանում իրականությանը։ Խուդոյանը նաև հռետորական հարց հնչեցրեց, թե երբ դատավորի արձակուրդ գնալու պատճառով շուրջ երկու ամիս նիստերը չէին կայանում, ինչու մյուս կողմը դրանից չէր բողոքում․ «Իսկ ո՞ւր էին դատախազները կամ տուժողները, երը մենք բարձրաձայնում էինք գործի քննության արգելքների մասին»։
Խուդոյանը խոսելով դատախազի միջնորդության մեջ առկա պնդումների մասին, դրանց տվեց «սուտ» որակումը, դատախազ Գևորգ Բաղդասարյանը դատարանին հորդորեց կարգի հրավիրել կողմին, հակառակ դեպքում ինքն էլ համանման որակումներով հանդես կգա։
Նիստը շարունակվում է։
Լիլիթ Շաբոյան
