Արսեն Թորոսյանից պահանջել, որ միայն չափի մեջ լինեն իր արտահայտությունները, ես մի քիչ անիրատեսական եմ համարում. Լուսինե Բադալյան. ՏԵՍԱՆՅՈՒԹ

Factor.am-ի հարցազրույցն ԱԺ «Իմ քայլը» խմբակցության պատգամավոր Լուսինե Բադալյանի հետ

-Տիկին Բադալյան, «Բարգավաճ Հայաստան» և «Լուսավոր Հայաստան» խմբակցությունները նախաձեռնել են կորոնավիրուսի դեմ տարվող պայքարի արդյունավետության հարցով ԱԺ քննիչ հանձնաժողովի ստեղծում։ Ի՞նչ տեսակետ ունեք՝ պե՞տք է հանձնաժողովի կազմը հաստատել և այն սկսի գործել։

-Ես հանձնաժողով ստեղծելու նպատակների մեջ տեսնում եմ ավելի շատ քաղաքական դրդապատճառներ, այլ ոչ թե իրապես տեսնելու, թե ինչ է եղել, ինչ չի եղել։ Բայց դա իրենց իրավունքն է, և որևէ մեկը չի կարող խանգարել քննիչ հանձնաժողովի ստեղծմանը։ Եթե կան մեղավորներ կամ սխալ քայլեր՝ դրանք կերևան, եթե չկան՝ ամեն ինչ նորմալ կլինի։

-2 օր առաջ ԲՀԿ-ական պատգամավոր Նաիրա Զոհրաբյանը բարձրաձայնեց, որ իրեն դիմել է մի քաղաքացի և հայտնել, որ իր տատիկի դին չի գտնվում։ Մեկ օր անց խնդիրը մի մասով լուծվեց, և աողջապահության նախարարն այս հարցով գրառում արեց՝ նշելով, որ ինքը խնդրին տեղյակ է եղել և կոշտ պատասխանեց Նաիրա Զոհրաբյանին՝ հորդորելով նրան սեփական ուժի ռեինկարնացիայով զբաղվել։ Պե՞տք էր արդյոք նման կոշտ գրառմամբ հանդես գալ։

-Առողջապահության նախարարն ունի այդպիսի բնավորություն. փոխելը մի քիչ դժվար է։ Մենք պետք է ընդունենք նրան այնպիսին, ինչպիսին կա։ Գիտեք, որ նմանատիպ գրառում նա ժամանակին իմ՝ իր թիմակցի վերաբերյալ է արել։ Արսեն Թորոսյանից պահանջել, որ միայն չափի մեջ լինեն իր արտահայտությունները, ես մի քիչ անիրատեսական եմ համարում։ Այսինքն, նկատի ունեմ, որ եթե Արսեն Թորոսյանն իր թիմակիցներին անգամ չի խնայում՝ գրառումներ անելիս, ապա այս կոնտեքստում Նաիրա Զոհրաբյանին ուղղված գրառումը «նորմալ է»։

Մանրամասները՝ հեռախոսազրույցում:

Մերի Մարտիրոսյան